შეხვედრა სამინისტროს მიერ გამოცხადებული კონკურსების გამარჯვებულებთან

13.01.2017 13 იანვარს, საქართველოს კულტურისა და ძეგლთა დაცვის მინისტრი მიხეილ გიორგაძე სამინისტროს კონკურსების „წლის საუკეთესო მუსიკალური ნაწარმოები“ და „წლის საუკეთესო სამუსიკათმცოდნეო ნაშრომი“ გამარჯვებულებს შეხვდა და დიპლომები გადასცა.

„წლის საუკეთესო მუსიკალური ნაწარმოები“ - პრემია მიენიჭა სანდრო ნებიერიძეს #1 საფორტეპიანო კონცერტისთვის. პრემია კონკურსში „წლის საუკეთესო სამუსიკათმცოდნეო ნაშრომი“ კი გაიყო და გადაეცა მუსიკისმცოდნეებს - დოდო გოგუას კრებულისათვის „მე-20 საუკუნის ქართული მუსიკა და მუსიკოსები“ და სვეტლანა ქეცბას წიგნისთვის- „გულის სახსოვარი“.

იხილეთ ფოტოგალერეა

მუსიკის დარგში სამინისტროს მიერ გამოცხადებული კონკურსები, ტრადიციულად, წლის ბოლოს ტარდება- აჯამებს და გამოჰყოფს წლის მანძილზე შექმნილ საუკეთესო საკომპოზიტორო და სამუსიკათმცოდნეო ნაწარმოებებს. 

წელს, კონკურსები ნოემბერ-დეკემბერში ჩატარდა. სულ, შემოვიდა 10 მუსიკალური ნაწარმოები და 5 სამუსიკათმცოდნეო ნაშრომი. საკონკურსო ნაწარმოებები განიხილა და შეაფასა ჟიურიმ, რომლის შემადგენლობაში იყვნენ: კულტურისა და ძეგლთა დაცვის მინისტრის მოადგილე მანანა ბერიკაშვილი, მუსიკისმცოდნე მანანა ახმეტელი, კომპოზიტორები - ნუნუ გაბუნია და ომარ მინდორაშვილი, მუსიკათმცოდნე თამარ ჩხეიძე, ოპერის თეატრის დირიჟორი, პროფესორი რევაზ ტაკიძე.

საქართველოს კულტურისა და ძეგლთა დაცვის სამინისტროს კონკურსები „წლის საუკეთესო მუსიკალური ნაწარმოები“ და „წლის საუკეთესო სამუსიკათმცოდნეო ნაშრომი“ ყოველწლიურად 2010 წლიდან ტარდება. 
გამარჯვებულებს, სამინისტროსგან ტრადიციულად, ფულადი პრემიები და დიპლომები გადაეცემათ. კონკურსების მიზანია თანამედროვე ქართული საკომპოზიტორო და სამუსიკათმცოდნეო შემოქმედების სტიმულირება და პოპულარიზაცია.