საქართველოს ნაკრებმა ავსტრია დაამარცხა და მსოფლიო ჩემპიონატის მომდევნო შესარჩევ ეტაპზე იასპარეზებს
03.07.2018
საქართველოს საკალათბურთო ნაკრებმა მსოფლიო ჩემპიონატის პირველი შესარჩევი ეტაპის გადამწყვეტ მატჩში ავსტრიის ნაკრები 98:73 დაამარცხა და შემდეგ ეტაპზე გავიდა. ქართველმა კალათბურთელებმა ოთხივე მეოთხედი მაღალ დონეზე ჩაატარეს და მეტოქე ყველა კომპონენტში დაჯაბნეს.
იხილეთ ფოტოგალრეა
საქართველოს ნაკრებში, 24 ქულით, 12 მოხსნით, 6 პასითა და 3 ჩაჭრით, საუკეთესო თორნიკე შენგელია იყო. 15-15 ქულა დააგროვეს გოგა ბითაძემ და დუდა სანაძემ. 14-14 ქულა მიითვალეს თად მაკფადენმა და გიორგი ცინცაძემ. ავსტრიელთა შემადგენლობაში თავი მარვინ ოგუნსიპემ გამოიჩინა - 18 ქულა, 7 მოხსნა.
ამ გამარჯვებით საქართველოს ნაკრებმა ჯგუფში მე-3 ადგილი დაიკავა და სერბეთთან და გერმანიასთან ერთად მსოფლიო ჩემპიონატის მე-2 შესარჩევ ეტაპზე იასპარეზებს. მე-2 საკვალიფიკაციო ეტაპზე ევროპის 24 გუნდი 4 ჯგუფში გადანაწილდა.
საქართველოს ნაკრები L ჯგუფში გერმანიის, საბერძნეთის, სერბეთის, ისრაელისა და ესტონეთის ნაკრებებთან ერთად მოხვდა. მეორე საკვალიფიკაციო ეტაპზე ექვსივე გუნდს პირველ შესარჩევ ეტაპზე მოპოვებული ქულები გადაყვათ. მსოფლიო ჩემპიონატის საგზურს ჯგუფის 3 საუკეთესო გუნდი მოიპოვებს.
სატურნირო მდგომარეობა
L ჯგუფი
| გუნდი |
თამაში |
ქულა |
| გერმანია |
6 |
12 |
| საბერძნეთი |
6 |
12 |
| სერბეთი |
6 |
11 |
| ისრაელი |
6 |
9 |
| საქართველო |
6 |
8 |
| ესტონეთი |
6 |
8 |
საქართველოს ნაკრების კალენდარი
| თარიღი |
მატჩი |
ჩატარების ადგილი |
| 13 სექტემბერი |
ისრაელი-საქართველო |
თელ-ავივი |
| 16 სექტემბერი |
საქართველო-საბერძნეთი |
თბილისი |
| 30 ნოემბერი |
ესტონეთი-საქართველო |
ტალინი |
| 3 დეკემბერი |
საქართველო-ისრაელი |
თბილისი |
| 21 თებერვალი |
საბერძნეთი-საქართველო |
ათენი |
| 24 თებერვალი |
საქართველო-ესტონეთი |
თბილისი |