სამინისტრო მწუხარებას გამოთქვამს სოსო ლაღიძის გარდაცვალების გამო

14.07.2018 საქართველოს განათლების, მეცნიერების, კულტურისა და სპორტის სამინისტრო მწუხარებას გამოთქვამს რუსთაველის თეატრის მსახიობის სოსო ლაღიძის გარდაცვალების გამო.

სოსო ლაღიძე 1936 წლის 21 იანვარს დაიბადა. რუსთაველის თეატრში 1959 წლიდან მოღვაწეობდა. აღსანიშნავია მისი როლები: ვეფხია ხალიბაური („ამბავი სიყვარულისა“), უფლისწული („სიბრძნე სიცრუისა“), ზაზა ნაკაშიძე („საბრალდებო დასკვნა“), გერა („გვადი ბიგვა“), გოგი („კავკასიური ცარცის წრე“), გრეი („რიჩარდ III“), ნიკოლოზ II („კვაჭი კვაჭანტირაძე“), საფრანგეთის მეფე („მეფე ლირი“), როსსი („მაკბეტი“); მისი კინოროლები მცირე ეპიზოდურიდან მალევე გადაიზარდა მნიშვნელოვან ნამუშევრებად. განსაკუთრებით დასამახსოვრებელი კინოროლია გაბრიელი ფილმში „ლონდრე“.

პანაშვიდი: 15,16 ივლისი, მისამართი - მერაბ ალექსიძის ქ. # 9; სამოქალაქო პანაშვიდი: 17 ივლისი 12:00 საათიდან შოთა რუსთაველის სახელობის სახელმწიფო დრამატულ თეატრში; დაკრძალვა: 17 ივლისი, 14:00 საათი - საბურთალოს სასაფლაო.