ბათუმის ხელოვნების ცენტრი პრემიერით გაიხსნა
14.08.2011
15 აგვისტოს ბათუმის ხელოვნების ცენტრი პრემიერით გაიხსნა. ახალი მიუზიკლი "ქეთო და კოტე" სპეციალურად ბათუმური პრეზენტაციისთვის დაიდგა.
ვიქტორ დოლიძის საოპერო და არჩილ კერესელიძის კინო მუსიკის ახალი ჟღერადობის ავტორი ნიკა მემანიშვილია, ხოლო დამდგმელი რეჟისორი – დავით დოიაშვილი.
პრემიერას საქართველოს პრეზიდენტი, მიხეილ სააკაშვილი, კათოლიკოს-პატრიარქი ილია მეორე, მინისტრთა კაბინეტის წევრები, აჭარის მთავრობა და სხვა ოფიციალური პირები დაესწრნენ.
ბათუმის ხელოვნების ცენტრის რეაბილიტაცია 2010 წლის მარტში დაიწყო. შენობამ თითქმის მთლიანად განიცადა სახეცვლილება. შეიცვალა როგორც ექსტერიერი, ისე ინტერიერიც.